Hurumende yaendesa vashandi vazhinji vebazi rehutano kunobatsira kumisa kupararira kwechirwere chekorera icho chiri kunzi chamuka zvakare munzvimbo yekwaMarange.
Chirwere ichi chapararira mumumatunhu akatenderedza minda yemangoda kwaMarange zvekuti vanhu vanosvika makumi manonwe nevapfumbamwe vakatoendeswa kunorapwa muzvipatara kwaMutare.
Ukuwo bazi rehutano rinoti ravaka misasa kwaMarange kuitira kuti veruzhinji vabatsirikane apo vanenge vachirapwa.
Vari kwaMarange vanoti masangano akazvimirira ega ari kutadza kupinda munzvimbo iyi kuti vavabatsire nekuti nzvimbo iyo yakachengetedzwa nemasoja nemapurisa.
Gurukota rezvehutano, VaHenry Madzorera, vanoti bazi ravo riri kuita zvese zvarinogona kuitira kuti chirwere ichi chisapararira kune dzimwe nzvimbo.
