Accessibility links

Breaking News

Ramson Zhuwawu Anotora Mukombe we2010 Soccer Star Of The Year Award


Ramson Zhuwawu weGunners adomwa semutambi akatamba zvinonwisa mvura mwaka uno kudarika vamwe vake vose pamabiko aitwa neChina kuMeikles Hotel muHarare.

Zhuwawu apihwa US$4 000, amutevedzera, Cuthbert Malajila weDynamos, apihwa US$2 000, wechitatu, Nyasha Mushekwi weCaps United, apihwa US$1 400.

Chimwe chikamu chitsva charemekedzwa pamabiko aya ndechemubati wepagedhe akashura mare gore rino. Tafadzwa Dube weGunners ndiye atora mukombu uyu, uye apihwa mari inosvika $2 000.

Mutambi weCaps United, Nyasha Mushekwi, awana imwe $2 000 sezvo ari iye mutambi akanwisa zvibodzwa zvakawanda mwaka uno. Akakwanisa kunwisa zvibodzwa makumi maviri nezviviri.

Mubati wepembe akaita basa nemazvo atora mukombe uyu ndiVaThabani Ncube, vekuBulawayo. Mubayiro wemurairidzi akakunda vamwe vose waenda kuna Moses Chunga weGunners.

Mutori wedu wenhau dzemitambo, George Mupfuti, atipa nhoroondo yezvemakwikwi aya vawana mibayiro iyi vasati vadomwa.

XS
SM
MD
LG