Accessibility links

Breaking News

Chidzambwa Odoma Chikwata chemaWarriors


Zimbabwe Warriors
Zimbabwe Warriors

Murairidzi wemaWarriors Sunday Chidzambwa ashevedza mukamba vatambi vake vemutambo mukuru we 2019 Africa Cup of Nations neCongo Brazzaville.

Chikwata ichi chine vatambi vatsva vaviri Kelly Lunga uyo anotamira Rodighausen kuGermay na Admiral Muskwe anotambira Leicester City kuEngland asi hachina McCaulley Bonne uyo arikukanda zvibodzwa pamadiro kuchikwata chake cheLeyton Orient.

Bonne uyo akaberekerwa kuEngland haana kudaidzwa zvichinzi haana kutumira mapepa ake ekugadzirirwa pasipoti yemuZimbabwe mushure mekunge Lunga na Muskwe vakaita izvi pachiri nenguva.

Maneja we maWarriors VaWellington Mpandare vanoti Lunga na Muskwe vachatambidzwa mapasipoti avo musi wavanosvika muZimbabwe vachiwedzera ivo kuti gonhi harina kuvharwa kuna Bonne kana akatevera zvinodiwa.

Asi chikwata ichi hachina shanduko huru pane chinozivikanwa nevazhinji mushure mekunge Kowledge Musona, Khama Billiart, George Chigova, Tino Kadewere, Marvelous Nakamba, Tendai Darikwa, Danny Phiri, Alec Mudimu, na Evans Rusike vanzi vanofanira kuuya mukamba. VaMpandare vanotaura nezvevamwe vevatambi varikupinda mukamba.

Vamwe vevatambi vadanwa vanosanganisira Edmore Sibanda, Ronald Pfumbidzai, Kuda Mahachi, Knox Mtizwa, Talent Chawapihwa, Ovidy Karuru, na Teenage Hadebe.

Vamwewo vanotambira zvikwata zvemuno, Petros Mhari naGodkows Murwira, veFC Platinum, Richard Hachiro weHerentals, naLeeroy Mavhuga weYadah vapuhwawo mukana wekutambira chikwata chenyika ichi.

VaMpandare vanoti vane chivimbo chekuti vakomana ava vachabata basa nemazvo.

Munyori wemutambo wenhabvu VaTawanda Tafirenyika vari kugutsikanawo nechikwata ichi vachiti ivo vatambi ava vanobudirira nekuti vatamba vese kwenguva refu.

Chidzambwa pachake anoti parikuda kubatana kuti maWarriors abudirire kuenda kumafainari eAfcon kechina.

MaWarriors ari kungoda poindi imwe chete kubva pamutambo uyu kuti vaende kufainari eAfcon ayo achaitirwa kuEgypt muna Chikumi. Chidzambwa ndiye akaendesa maWarriors kumafainari avo ekutanga muna 2004.

Vadaidzwa vanoti:

Vabati vepagedhi
George Chigova, Edmore Sibanda, Petros Mhari.

Vekumashure
Ronald Pfumbidzai, Devine Lunga, Hadebe Teenage, Munetsi Marshall, Hachiro Richard, Mudimu Alec, Murwira Godknows, Darikwa Tendayi, Dzingai Jimmy

Vepakati
Nakamba Marvelous, Phiri Danny, Billiat Khama, Musona Knowledge, Karuru Ovidy, Ncube Buthelezwe, Chawapiwa Talent, Mavunga Leeroy, Lunga Kelvin, Kutinyu Tafadzwa, Mahachi Kuda

Vekumberi
Kadewere Tino, Muskwe Admiral, Amidu Abbas, Mutizwa Knox, Rusike Evans.

Nyaya Ina Michael Kariati
please wait

No media source currently available

0:00 0:05:38 0:00
Pekupinda Napo Kuti Muone Zvamuri Kuda

Facebook Forum

XS
SM
MD
LG