WASHINGTON —
Mumiriri weGlen View South mudare reparamende vari nhengo yeMDC Amai Vimbai Tsvangirai Java avo vakaita njodzi yemumugwagwa muna Chivabvu vashaya.
Amai Tsvangirai Java mwanasikana wevaive mutungamiri weMDC muchakabvu Morgan Tsvangirai. Njodzi iyi yakaitikira kuKwekwe vachibva kumusangano weMDC. Dzimwe nhengo mbiri dzebato iri VaPaul Rukannda naVaTafadzwa Mhundwa vakashayao munjodzi iyi.
Kunyangwe vainge vari muchipatara, Amai Vimbai Tsvangirai Java vakasarudzwa mwedzi wapera kuita munyori mukuru wegungano remadzimai muMDC, reWomen’s Assembly.
Mutauriri wemhuri vari munin’ina waVaTsvangirai, VaManase Tsvangirai vaudza Studio 7 kuti ichokwadi kuti Amai Vimbai Tsvangirai Java vashaya. Tichakupai zvizere muchirongwa chedu na 7 manheru ano.
Facebook Forum