Nyanzvi munyaya dzezve matongerwo enyika dzinoti kukunda kwakaita MDC musarudzo dze House Of Assembly, hakurevi chinhu kana VaMugabe vakakwanisa kukunda musarudzo yemutungamiri wenyika.
Sachigaro ve NCA, Doctor Lovemore Madhuku, vanoti VaMugabe vakaramba vari mutungamiri wenyika, vanokwanisa kuumba dare ravo remakurukota risina nhengo dze MDC. VaMadhuku vatiwo VaMugabe vanokwanisa kuramba kutambira mitemo inenge yatara neparamende..
Patience Rusere weStudio Seven aita hurukuro naVaMadhuku kuti tinzwe kuti kutora dare reparamende kwakaitwa neMDC kunoreveyi.