Nhengo iri kuzvimirira musarudzo dzemutungamiri wenyika, VaSimba Makoni, vanga vari kuMasvingo neChitatu vachitsvaga rutsigiro.
VaMakoni vanonzi vashanyira nzvimbo dzinosanganisira Chivi, Ngomahuru, Mutakata nedzimwe nzvimbo. Studio7 haina kukwanisa kutaura naVaMakoni kuti tinzwe mafambiro aita hurongwa hwavo.
Ukuwo mutungamiri weMDC, VaMorgan Tsvangirai, vanga vachitsvaga rutsigiro kuMhondoro uko vasangana nevanhu vakawanda.
Patience Rusere weStudio7 abata mutauriri weMDC, VaNelson Chamisa, kuti tinzwe mafambiro aita hurongwa hwaVaTsvangirai.