Mapurisa apinda zvine chisimba neChina mumahofisi eCrisis In Zimbabwe Coalition. Zvinonzi mapurisa aya ambochengetedza vashandi vatatu vesangano iri. Vambochengetedzwa ndi National Co-ordinator vesangano iri, VaXolani Zitha, muburitsi wemashoko, VaThabani Moyo, pamwe nenhengo yeZINASU, Muzvare Maureen Kandemaunga.
Zvinonzi mapurisa aya anga achitsvaga VaMarvellous Khumalo, nhengo yeZINASU iri kuda kupinda musarudzo dzemu Saint Marys vakamirira MDC inotungamirwa naVaMorgan Tsvangirai. VaKhumalo vakasungwa nemapurisa mushure mekurwisina nenhengo yeMDC inotungamirwa naVaArthur Mutambara, VaJob Sikhala, vanova mumiriri weSt Mary's mudare reHouse of Assembly. VaKhumalo vakabvisiswa mari yechibatiso kuitira kuti nyaya yavo itongwe vachibva kumba kwavo.
Mapurisa aya anonzi atizve anga achida kuongorora basa reCrisis In Zimbabwe Coalition, sezvo ari kufungidzira kuti sangano iri kufambisa mashoko asina kunaka..
Patience Rusere weStudio Seven aita hurukuro na Senior Programs Manager we Crisis In Zimbabwe Coalition, VaPedzisai Ruhanya, kuti tinzwe zvaitika.