Nhengo shanu dze Women’s Assembly muMDC inotungamirwa naVa Morgan Tsvangirai, dzinoti dzakarohwa panze pe Harvest House nemusi weSvondo, apo dzaida kunotaura nemutungamiri webato ravo, VaTsvangirai.
Nhengo idzi dzinoti dzaitsigira mukuru wavo mubazi revanhukadzi, Amai Lucia Matibenga, sezvo vari kupikisa kudzingwa kwavo uko vanoti kwakaitwa zvisiri pamutemo.
Mumwe wevakarohwa, ndiMai Staten Ndlovu, munyori we Ward 29 muDzivaresekwa.
Kuti tinzwe zvakaitika, Patience Rusere weStudio Seven, aita hurukuro naAmai Ndlovu, avo vanoti vane pamuviri pave nemwedzi mina.