Sangano reZINASU Rinosvitsa kuZEC Gwaro reNyunyuto Richikurudzira Kuti Sarudzo Dziitwe Dzakachena Uye Dziri paJekerere

Rimwe sangano rinomirira vadzidzi vemuzvikoro zvepamusorosoro, reZINASU, ranyorera kuZimbabwe Electoral Commission, ZEC, pamwe nekuZimbabwe Human Rights Commission, richisvitsa zvinyunyuto zvaro pamusoro pemafambisirwo arinoti ari kuitwa basa neZEC maringe nenyaya dzesarudzo.

Mutungamiri weZINASU, VaBoris Tadiwanashe Muguti, avo vakasaina gwaro rakaenda kuZEC nekuZHRC iri vanoti sevadzidzi havasi kufara nekusaenzana kwenhandare yezvematongerwo enyika muZimbabwe.

VaMuguti vanoti chavari kukurudzira sevadzidzi ndechekuti ZEC itungamire sarudzo dziri pachena uye pajekerere.

Zvichakadaro, komisheni inotungamira sarudzo munyika, yeZimbabwe Electoral Commission, ZEC, inonzi ine hurongwa hwekuparura chirongwa chekuti veruzhinji vakwanise kunyoresa kuvhota nyika yose.

Vachinyora padandemutande ravo reTwitter, mumiriri weHarare West muparamende, Muzvare Joana Mamombe vebato reCCC vati chirongwa ichi chichatanga musi wa 11 mwedzi uno chichipera musi wa 21 mwedzi uno.

Muzvare Mamombe vakurudzira veruzhinji vasati vanyoresa kuti vashandise mukana uyu kuitira kuti vakwanise kunyoresa kuvhota nehuwandu hwavo.

Studio 7 yakundikana kubata mutauriri mutsva weZEC, Commissioner Rodney Kiwa, sezvo vanga vasiri kudaira nharembozha yavo.

Asi VaMuguti vati vanotambira nemaoko maviri hurongwa hwekuti vanoda kuvhota vanyoreswe nyika yose uhwu nemaoko maviri, asi vanoti hwakanga hwatononoka sezvo sarudzo dzave kutoswedera.

Embed share

Hurukuro naVaBoris Muguti

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:03 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player