Accessibility links

Breaking News

Maonero eHurumende yeAmerica

USAID Yobatsira Ukraine muHondo neRussia Munguva yeChando

Russia Ukraine War

Mukuru wesangano reUnited States Agency for International Development kana kuti USAID, Amai Samantha Power vanoti mutungamiri wenyika yeRussia VaVladimir Putin vari kuda kushandisa chando sechombo chehondo.

Vanoti zviri kuitwa neRussia zvekubhomba magwenya emagetsi mazana ezviuru zvevanhu achisara asina zvekudziisa dzimba idanho reRussia rekuda kupfidzisa vanhu ava munguva yechando.

Amai Power vakashanyira Ukraine mavhiki adarika vanoti America ichapa Ukraine mari inosvika mamiriyoni makumi mashanu nemashanu kana kuti US$55 million dollars kuti vanhu vemunyika iyi vasarohwe nechandi zvakanyanya. Vanoti rubatsiro urwu ruchabatsira zvizvarwa zveUkraine mamiriyoni manomwe kuti zviwane kudziirwa munguva yechando.

Amai Power vanoti America ichashanda nedzimwe nyika nemasangano anopa rubatsiro kuti vawanise vanhu vemuUkraine magetsi negas munguva yechando. Vakasanganawo nevarimi vari kunzvimbo dzainge dzapambwa neRussia dzikazosungunurwa nemauto eUkraine avo vanoti vakawana mapurazi avo abiwa kana kupazwa zvikwanisiro zvekurimisa. Vamwe vanoti vakawana minda yavo nedzimba zvakateyiwa zvimbambaira.

Amai Power vakasanganawo nevamwe varimi vainge vakohwa goho rakakura asi vakashaya kwekutengesera kusvika paitwa chibvumirano chakatungamirwa neUnited Nations neTurkey.

America yakaparura imwe homwe yemari inosvika zana remamiriyoni kana kuti 100 million kubatsira varimi kuti vaendese goho ravo kumisika vachishandisa migwagwa, njanji nenzizi. Chirongwa chinonzi Agri-Ukraine ichi chakanangana nekuti varimi vemunyika iyi vakwanise kumira voga kunyangwe hondo ichiri kuenderera mberi. Amai Power vanoti hupfumi hwenyika yeUkraine haungamirire uti hondo ipere.

Vanotiwo varairidzi, vashandi vehurumende vanotengesa muzvitoro nevamwe vari kuda mabasa. Vanoti mitero yavanobhadhara yakakosha mukusimbaradza hupfumi hweUkraine.

Amai Power vakasimbaradza shoko rekuti America ichamira neUkraine munguva dzose. Vakati vanozvinzwisisa kuti vanhu vemuUkraine vari kushungurudzwa zvakanyanya neRussia pasina chikonzero chakati tsvikiti. Vakati

please wait

No media source currently available

0:00 0:03:21 0:00
Pekupinda Napo Kuti Muone Zvamuri Kuda

asi mune remangwana.

Mashoko aya anotaura pamire hurumende yeAmerica pakudyidzana kwayo neUkraine.

See all News Updates of the Day

Mashoko Anotaura Pamire America Pamhosva dzeHondo Dziri Kupomerwa Mauto eRussia Ari Kurwisa Ukraine. 

Russia Ukraine War Crimes Bucha

Mauto aRussia ari muguta reKherson kuchamhembe kwe Ukraine anonzi kupara mhosva dzehondo achityora kodzero dzevanhu.

Mumiriri weAmerica kusangano reOrganization for Security and Co-operation Ambassador Michael Carpenter vanoti zviri kuitwa muKherson zvinhu zvinotyisa. Russia inonzi iri kumanikidza vanhu vemudunhu iri kuti vatende kuva pasi pehutongi hwayo nechisimba.

Vamwe vanhu mazana matanhatu vari kuramba kutambira hutongi hweRussia vanonzi vari kuchengetwa vari mudzimba dzakacherwa pasi vachiitwa kafiramberi. Vanhu vari muhusungwa vanosanganisira vatori venhau, vashandi vemukanzuru, vanoshandira masangano akazvimirira oga uye vose vari kupomerwa mhosva dzekuratidzira vachitsigira Ukraine.

Vanhu vemuKherson vanonziwo vanobvunzurudzwa nekushungurudzwa pose pavanenge vachifamba.

Vammwe vanhu vaishndira hurumende yeUkraine vari kusungwawo vachiiswa mumatirongo pachinzi pari kutsvagwa vatengesi vari kudyidzana nehurumende yeUkraine uye kufukura hapwa kuvatori venhau.

Vanhu ava vanonzi vanogara muhusungwa kwemazuva akawanda vamwe vachibvunzurudzwa, kuitwa kafiramberi kana kuurayiwa kana kugariswa muhusungwa kana kumanikidzwa kutama vachiendeswa kune dzimwe nzvimbo.

Russia inonzi iri kuisa vanhu vanoitsigira kuti vatungamire matunhu airi kutora akaita seKherson. Izvi zvakaitikawo muna 2014 na2015 kumatunhu akaita seDonetsk. Russia inonziwo iri kudzima madandemutande akaita seinternet kunzvimbio dzayapamba kuti vanhu vasanzwewo mamwe mashoko asiri anobva kuRussia.

Vanhu havabvumidzwewo kutumirwa mari kubva kunze dzimwe nyika kana nzvimbo.

Muzvikoro, varairidzi vari kumanikidzwa kuti vadzidzise zviri kudiwa neRussia asi vamwe vari kuramba zviri kuisa hupenyu hwavo munjodzi. Vanhu vari kumanikidzwawo kushandisa mari yekuRussia yemaruble uye kunyoresa magwaro emba dzavo nevanhu vakagadzwa neRussia.

VaCarpenter vanoti America iri kutyora zvibvumirano zveUnited Nations Charter uye zveHelsinki Final Act panyaya dzekuremekedzwa kwekodzero dzevanhu kunyangwe munguva yehondo.

Mumiriri weAmerica uyu anoti ane chivimbo chekuti mutungamiri weRussia VaVladimir Putin nemauto avo vachatongerwa mhosva dzehondo dzavanonzi vari kupara muKherson nemamwe matunhu emuUkraine idzi.

America Yoshanda neNyika dzemuAfrica Panyaya Dzekuenda kuMwedzi neZvitundumuserere

This Tuesday, Oct. 6, 2020, satellite image released by NASA Worldview, Earth Observing System Data and Information System (EOSDIS) shows a strengthening Hurricane Delta. Delta rapidly intensified into a dangerous Category 4 storm Tuesday while following…

Mashoko anoteverera anotaura pamire hurumende yeAmerica pakudyidzana nenyika dzemuAfrica. America iri kusimbaradza kudyidzana nenyika dzemuAfrica panyaya yekutumira humhizha hwepamusoro soro kumwedzi pachishandiswa zvitundumuseresere.

Mutevedzeri wegurukota rinoona nezvemakungwa, mamiriro ekunze nehumhizha mukufambiswa kwemashoko muAmerica Amai Monica Medina vanoti kudyidzana uku kwakakosha zvikuru munyaya debudiriro. Amai Medina vakachingamidza Nigeria neRwanda senyika dzekutanga muAfrica kunyorerana chibvumirano ichi chinonzi Artemis Accords.

Vanoti nyika makumi maviri nenhatu dzaisa runyoro rwadzo pachibvumirano ichi. Uyu vati munongedzo wenyika dzakasiyana dzine chido chimwe chete chekusimudzira humhetura munyaya dzehumhizha munyaya dzekuenda kumwedzi.

America inoti zvibvumirano izvi zvinoenderanawo nedonzvo rayo rekushanda nekambani yeNASA Artemis Programme kuona kuti yatumira mudzimai wekutanga uye mutema wekutanga kumwedzi nechitundumuseresere.

Kuburikidza nechirongwa cheArtemis, America inoti iri kuda kuumba mubatanidzwa wenyika dzakasiyana siyana usati waonekwa munhoroondo yenyika dzepasi rino. Amai Medina vanoti masatellites ari panyika achiona zviri kuitika kumwedzi akakosha zvikuru mubudiriro yenyika dzepasi rino.

Semuenzaniso, Amai Medina vanoti humhizha uhu honobatsira kunzwisisa nezvenzvimbo dzinogona kuparadzwa nemoto uye kuruka mazana ekuti izvi zvingadzivirirwe sei zvichibatsira kuti vanhu vasa rasikirwe nehupenyu kana nehupfumi.

Vanoenderera mberi vachiti mwedzi wapera, Uganda neZimbabwe dzakatumira masatellites kumwedzi anenge achitarisa nyaya yekuchena kana kusvibiswa kwemvura, kushandiswa kweminda uye mamiriro evhu.

Vanoti America ichaenderera mberi nekushanda nedzimwe nyika dzemuAfrica pazvirongwa zvakadai zvekuona mamiriro akaita pasi rino pachishandiswa humhizha hwechizvinozvino.

America inoti iri kufara nerutsigiro rwairi kupihwa nechikwata chenyika dzemuAfrica dziri muUnited Nation's kana kuti African Group dzakanyorerana chibvumirano chekusatumira zvombo zvehondo zvemchadenga zvinokangaisa mamiriro ekunze.

America ndiyo yakaunza chisungo ichi kudare reUnited Nations. Amai Medina vanoti America yakazvipira kusimudzira humhizha hwekuziva mamiriro ekunze zvichiitwa murunyararo.

Mashoko aya anotaura pamire hurumende yeAmerica pakudzidzana nenyika dzemuAfrica.

please wait

No media source currently available

0:00 0:03:21 0:00
Pekupinda Napo Kuti Muone Zvamuri Kuda

Misoro yeNhau dzaNhasi, Chishanu, Gunyana 23, 2022

Misoro yeNhau

Mutungamiri wenyika VaEmmerson Mnangagwa voenda kuCuba mushure mekupeta rwendo rwavo kuUnited Nations General Assembly.

Vanopikisa voenderera mberi nekuratidzira kuUnited Nations vachipomera hurumende yaVaMnangagwa mhosva yekutonga nedemo.

Mumiriri weMutasa Central mudare reparamende VaTrevor Saruwaka vokurudzira mapurisa kuti aferefete kufa kwakaita mumwe mudzidzi wepaSt Mathias Tsonzo High School kwaMutare, Livingstone Sunhwa uyo anonzi akambenge arohwawo zvakaipisisa nemapurisa nevakuru vechikoro.

Kambani yehurumende inoona nezvekurimwa kwefodya, yeTobacco Industries Marketing Board (TIMB) yambomisa varimi vanodarika zviuru makumi matatu nezvinomwe (37 000) kurima fodya ichiti vakatengesa fodya yavo pamukoto.

Vamwe varimi veku Mhondoro-Mubayira mudunhu reMashonaland West vanoti hurombo hwaramba hwakavanamira seurimbo sezvo vasiri kuwana zvikwanisiro zvakaita sembeu nefotereza izvo zvavanowanzopihwa nehurumende vatopedza kurima nekukohwa.

Muchirongwa chatinotaura nevaimbi nemusi weChishanu wega wega, nhasi tine hurukuro nemuimbi wechidiki Charles Chakanetsa.

Muchirongwa chedu cheLiveTalk na8 pm nhasi, tiri kutarisa zviri kuitika kuUnited Nations uko Zimbabwe iri kuyedza kuti zvirango zvibviswe uyewo kuyedza kuumba hukama nenyika dzayakarimirana kumuganhu nadzo.

Kana muchida kupinda muchirongwa ichi, kanawo kutumira mashoko kuStudio7, shandisai WhatsApp nhamba dzinoti 001 202 465 0318.

Vanoda kutererera Studio7, tibateyi na7pm pamasaisai anoti 909 am 4930; 13860, 15460 Kilohertz paShort Wave mazuva ose.

Mashoko Anotaura Pamire America paNyaya Yehutongo Hwekerere muNyika Dziri kuMawirira kweAfrica 

Ambassador Richard M. Mills, Jr.

Apo huwandu hwenyika dzekumawirira kweAfrica dzine hurumende dziri kupidigurwa nemauto huri kuuramba huchiwanda, mutevedzeri wemumiriri weAmerica kuUnited Nations Ambassador Richard Mills vanoti kukosha kwesangano reUnited Nations Office for West Africa and the Sahel kana kuti UNOWAS kunobva kwaonekwa. Sangano reUNOWAS rine muzinda muSenegal.

Sangano iri riri kubatsira hurumende dzakafanobata matomu mudunhu iri nechinangwa chekuda kudzosa hutongo hwejekerere.

Nyika dziri kubatsirwa nemazano parizvino dzinosanganisira, Guinea neBurkina Faso. VaMills vari kukurudzira hurumende yeMali kuti idzokere kuva hurumende inosarudzwa nevanhu kwete kutungamirwa nemauto. Hurumende iyi inoti yakazvipira kuti inge yodzokera kuhutongo hwejekerere muna Kurume 2024.

VaMills vanoti vanovimba kuti hurumende iyi ichatora nguva iyi kuzadzikisa zvose zvinodiwa kuti mauto asarambe ari panyanga. Vaenderera mberi vachitiwo vari kushushikana zvikuru nekupomerwa mhosva dzekutyorwa kwekodzero dzevanhu kuri kuitwa nemauto ari kutonga aya achishanda nechikwata chemauto chinotsigirwa nehurumende yeRussia chinozivikanwa nekuti Wargner Group.

Vati nyaya dzekutyorwa kwekodzero dzevanhu dziri kutaurwa idzi ndicho chimwe chikonzero chiri kunzi neAmerica nyika dzemuAfrica hadzifanire kushanda nechikwata cheWargner Group.

MuGuinea VaMills vati hurumende yakafanobata matomu inofanira kubvumidza vanhu kuungana nekuratidzira murunyararo.

Vati nguva yekudzokera kuhurongo hwejekerere yatodarika munyika iyi. Izvi vatiwo ndizvo zvimwe chete nemuBurkina Faso umo mauto akati akazvipira kudzokera kuhutongo hwejekerere kwapera makore maviri.

VaMills vati vari kushanda nenyika iyi vanofanira kutaurirana zvakanaka nedzihurumende idzi uye kubatsirawo vanhu nezvekudya. Vatiwo vari kunetsekana nehuwandu hwezvikwata zvinopfurikidza mwero zviri kuuraya vanhwi zvavo nemauto mudunhu iri.

VaMills vatiwo America iri kushanda nemamwe masangano kana kuti Global Coalition to Defeat ISIS.

Burkina Faso yakapinda mugungano iri muna 2021 uye Benin iri kutarisirwa kupindawo mukupera kwegore rino. Sangano iri rakaumbawo chimwe chikwata chinonzi Africa Focus Group muna Zvita 2021 icho chakanangana nekupa vanhuwo zvavo ruzivo rwekuzvidzivirira kubva kune vanopfurikidza mwero.

VaMills vanoti panguva ino zvinhu hazvina kumira zvakanaka kumawirira kweAfrica asi vakati uyu mukana zvekare wekurwisa vanopfurikidza mwero, kukurudzira hutongo hwejekerere uye kuisa zvido zvevanhu pamberi.

Vatiwo UNOWAS inofanira kushandwa nayo kuti izadzikise zvinangwa zvayo zvekuunza hutongi hwejekerere mudunhu iri.

Rodhai zvimwe

XS
SM
MD
LG