Mutungamiriri weZanu PF vari zvakare mutungamiri wenyika, VaEmmerson Mnangagwa, vanoti mangwana vachazivisa matanho ekudzikisa kukwira kwe Inflation pamwe nekumisa kukwira kwemitengo yezvinhu iyo iri kuita chamurambamhuru zuva nezuva.
Kuramwa mabasa kwavanachiremba, vakoti pamwe nevamwe varairidzi kunopinda muzuva reshanu pasina kuwirirana.
Musangano wekuzeya mihoro yevashandi vehurumende, weNational Joint Negotiating Council, NJNC, uyo usina kubuda nechimuko svondo rapera wanga uchitarisirwa kuitwa zvakare nhasi watadzawo kubudirira.
Hurumende ye Zimbabwe inoti haina shungu dzekudzokera mumubatanidzwa weCommonwealth chero hazvo chikumbiro chayakaita chekudzokera chiri kuzeyiwa nhasi kumusangano wevatungamiri venyika dziri mugungano iri weCommonwealth Heads of Government Meeting (CHOGM) uri kuitirwa muKigali guta guru reRwanda.
Bato rinopikisa reCitizens’ Coaltion for Change mudunhu reMasvingo pamwe nevamwe vemasangano akazvimirira vopomera Zanu PF mhosva yekumanikidza masabhuku nemadzishe kuti vaforese vanhu vavo kuenda kunovhota mangwana musarudzo ye by-election iri mu Ward 21 mudunhu reMasvingo West.
Makundano eCastle Lager Premier Soccer odzoka mangwana kubva kuzororo repakati pemwaka aine mitambo mikukutu kuzvikwata zviri kutungamira gungano iri.
Muchirongwa che LiveTalk na8pm nhasi, tiri kutarisa nezvizvirongwa zviri kuitwa nemamwe masangano anosanganisira Zimbabwe Christian Alliance, zvekuunza mapato ezvematongerwo enyika pamwechete muzvirongwa zvekukurudzira runyararo. Tichatarisawo kuramwa mabasa kwevakoti, vanachiremba nevarairidzi.
Kana muchida kupinda muchirongwa ichi, kanawo kutumira mashoko kuStudio7, shandisai WhatsApp nhamba dzinoti 001 202 465 0318.
Vanoda kutererera Studio7, tibateyi na7pm pamasaisai anoti 909 am 4930; 13860, 15460 Kilohertz paShort Wave mazuva ose.
Munokwanisawo kunzwa Studio7 na6 am - Muvhuro kusvika Chishanu, pamasaisai anoti 909 am, 6175, 7255 Short Wave.
Facebook Forum