Accessibility links

Breaking News

Maonero eHurumende yeAmerica

Maonero eHurumende yeAmerica

Zxzxcvxcvb

Vakatanga kuwana United Sates, vakadaro gurukota rezvekudyidzana kweAmerica nedzimwe nyika, VaMike Pompeo, “vakashandura nzira yenhoroondo pavakavamba nyika ichivakwa pamuono wekuti hurumende inovepo kwete kuti izvidze kanaka kubvisa kodzero dzemunhu zvichikonzerwa nevanenge vari mumasimba ekutonga, asi kuvachengetedza.”

VaPompeo mazuva apera vakakumikidza chikwata chevadzidzi pamwe nevanorwira kodzero kuti “vavape yambiro pamusoro pekodzero dzevanhu dzichidzika midzi kubva mumitemo inobva pakaumbwa America nemitemo ya 1948 yepasi rose pakadzikwa mutemo unobata kodzero dzevanhu, kana kuti 1948 Universal Declaration on Human Rights.” Chiitiko ichi, icho chinozivikanwa zvakare sekomisheni yekodzero dzisingachinjanwe kana kutorerwa munhu, kana kuti Commission on Unalienable Rights, chakaburitsa gwaro racho mumazuva apera.

Pakuparurwa kwegwaro rekomisheni iyi, gurukota VaPompeo vakabvuma kuti United States yakaumbwa nedzimwe kodzero dzisingatorerwe munhu dzekuti dai dzisipo “kuedza kose kwatinoita kudzivirira pamwe nekusimudzira kodzero dzevanhu kungadai kusina pakwakabatira, nekudaro, kwaikundikana.”

“Vakatanga nyika ino havana kugadzira ‘kodzero dzinotorerwa munhu,’ asi vakatsanangura zvakajeka muchisungo chekuwana kuzvitonga kana kuti Declaration of Independence kuti vanoonekwa semucherechedzo wekuti vanhu ‘vakasikwa vakaenzana’ uye vakapiwa nemusiki wavo dzimwe kodzero dzavasingagone kutorerwa…. dzimwe dzacho dziri hupenyu, rusununguko, uye kutsvaga rufaro.”

Gwaro reKomisheni yekodzero dzisingatorerwi munhu (Commission on Unalienable Rights) rinokoshesa kuti “zviri pamusoro pakodzero idzi ikodzero dzekuve nezvivakwa nekusunguka kutevera chitendero,” vakadaro VaPompeo.

“Haukwanise kuwana mufaro kana usingakwanise kuwana chedikita rako, uye hapana vanhu vari munharaunda vangakwanisa kuwana chiremera vasina rusununguko rwechitendero,” vakadaro VaPompeo.

Zviri pachena kuti “kodzero dzisingatorerwi munhu dziri pakati pekuti tiri vanaani sezvizvarwa zveAmerica,” nekudaro idzowo dzinofanirwa kutsigira hwaro hwedu hwekudyidzana nedzimwe nyika,” vakadaro VaPompeo.

“Kana tichibvuma zvechokwadi kuti kodzero hadzitorerwi munhu, hadzityorwe, uyewo ndedzemunhu wese pasi rose, sezvakaitwa nevakatanga nyika ino, saka kudzidzivirira ndiwo unofanirwa kuve musimboti wemabasa edu ose mukuedza kudyidzana nedzimwe nyika,” vakadaro VaPompeo.

Nekudaro, kuzvipira kweAmerica mukuremekedza kodzero dzisingatorerwi munhu kumusha kwaratidza kuve musimboti wetarisiro yevanhurume nevanhukadzi vari kune dzimwe nyika vari kutsvakawo rusunguko rwavo. Mucherechedzo mumwechete wakadaro ndewe gandanga rekuSoviet, Natan Sharansky.

Paakanzwa nezvemashoko emutungamiri wenyika VaRonald Reagan pamusoro pehurumende ine hutsinye kana kuti “Evil Empire” ari muhusungwa, akati aive mashoko ane chiedza murima rechizarira chaaive ari muhusungwa.

“Ndinovimba kuti,” vakadaro VaPompeo, “nyeredzi yeAmerica ichajekesa matenga ose, kana chete takachengeta nzwisiso yekodzero dzisingatorerwi munhu pakati pechido chedu chekuwanisa rusununguko kuvanhu vedu nevanhu vese.”

See all News Updates of the Day

Maonero eHurumende yeAmerica Pane Zviri Kuitika kuMalawi

please wait

No media source currently available

0:00 0:03:00 0:00
Pekupinda Napo Kuti Muone Zvamuri Kuda

Maonero eAmerica Pane Zviri Kuitika kuMalawi

Pompeo

Malawi yave nemutungamiri mutsva akagadzwa zviri pamutemo mushure memwedzi gumi nemitatu.

Musi wa Chikumi 23, mutungamiri webato rinopikisa, VaLazarus Chakwera, vakakunda mutungamiri weMalawai, VaPeter Mutharika, musarudzo yemutungamiri wenyika yakadzokororwa mushure mekuwana zvikamu makumi mashanu nezvisere kubva muzana.

Sarudzo yemutungamiri weMalawi yekutanga yakaitwa muna Chivabvu 2019, VaMutharika vakati vakanga vakunda zvisina kunyanya. Asi VaChakwera, avo vaitevera mushure maVaMutharika musarudzo iyi, vakati sarudzo iyi yakanga yabiridzirwa ndokubva vapikisa izvi mudare reConstitutional Court.

Malawi's President Lazarus Chakwera
Malawi's President Lazarus Chakwera

Dare iri rakawana paine humbowo hwekusatevedzerwa kwemitemo inobata sarudzo rikatonga muna Kukadzi 2020 kuti sarudzo itsva iitwe.

Malawi inyika yechipiri muAfrica kuramba kutambira zvinenge zvabuda musarudzo yemutungamiri wenyika ichitevera Kenya yakaita izvi muna 2017.

Gurukota rezvekudyidzana kweAmerica nedzimwe nyika, VaMike Pompeo, vakaratidza kufara zvikuru nekuchengetedzwa kwemitemo yejechetere munguva yesarudzo muMalawi.

“Vanhu vemuMalawi vakasarudza VaLazarus Chakwera semutungamiri wavo. Aka ndeke chipiri matare emuAfrica achiramba kutambira zvinenge zvabuda musarudzo yemutungamiri wenyika uye kekutanga kuti zvabuda musarudzo inenge yadzokororwa zvichiunza mumwe wevakwikwidzi mumasimba ekutonga. Iyi inguva ine nhoroondo kuvanhu vemuMalawi," vanodaro VaPompeo.

Mike Pompeo
Mike Pompeo

VaChakwera vanoti kukunda kwavo “kukunda kwehutongo hwejekerere nekuyananiswa kwemitemo inotonga vanhu.” Vachitora mhiko, VaChakwera vakavimbisa kuti vachashanda vari pasi pemitemo yenyika.

“Izvi zvinoreva kuti ndichazivisa veruzhinji hupfumi hwangu gore rega rega sezvinodiwa nemutemo; ndichaenda kuparamende kunobvunzwa nevanhu mabatiro andinenge ndichiita basa rngu; ndichakumbira kuti mitemo ivandudzwe, zvikuru kuderedza masimba emutungamiri wenyika uye kusimbaradza mapazi ose kuitira kuti ashande akazvimirira, kusanganisira paramende nebazi rinorwisa huori.

“Uyu mukana mukuru munhoroondo yeMalawi kuti ishande zvakasimba kuitira kuti ive neremangwana rakabudirira, iine hurumende inoshanda zviri pamutemo, uye munhu wese akasununguka.”

please wait

No media source currently available

0:00 0:03:00 0:00
Pekupinda Napo Kuti Muone Zvamuri Kuda


Maonero eHurumende yeAmerica

please wait

No media source currently available

0:00 0:03:38 0:00
Pekupinda Napo Kuti Muone Zvamuri Kuda

America Yoramba Ichirwisa Kumanikidzwa kweVanhu Kuita Mabasa Avasingade Kuita

U.S. Secretary of State Mike Pompeo speaks during a news conference at the State Department in Washington, July 8, 2020.

Sechiratidzo chekuti hurumende yeAmerica yakazvipira kurwisa kumbunyikidzwa kwevanhu vachinoitiswa mabasa avasingade kune dzimwe nyika, bazi rezvekudyidzana kweAmerica nedzimwe nyika, rakaburitswa gwaro rechimakumi maviri rekumbunyikidzwa kwevanhu vanoendeswa kudzimwe nyika vachinoitiswa mabasa avasingade, kana kuti 20th Annual Trafficking in Persons Report, kana kuti TIP Report, musi wa 25 Chikumi.

Vachitaura pakuparurwa kwegwaro iri, gurukota rezvekudyidzana nedzimwe nyika, VaMike Pompeo, vakati kumbunyikidzwa kwevanhu vachiendeswa kune dzimwe nyika, kunosanganisira kuitiswa mabasa epabonde pamwe nekushanda mamwe mabasa munhu achimanikidzwa, uye izvi zviri kuramba zvichiitika pasi rose.

“Pane zvanhu vanodarika mamiriyoni makumi maviri nemashanu vari kumanikidzwa kuita mabasa avasingade uye kuitiswa mabasa epabonde pasi rose. Kudzikisira hunhu hwevanhu zvakadaro hazvitambirwe, tose takasikwa tiri mufananidzo yaMwari. Mabasa akadai ndeehutsinye.”

Gore rapera, mutungamiri weAmerica, VaDonald Trump, vakamisa rumwe rubatsiro kudzihurumende gumi neshanu idzo dziri mugwaro re 2019 Tip Report.

Muna Ndira gore rino, VaTrump vakati America yakanga yadira mari inoita mazana mashanu emamiriyoni emadhora mukurwisa kumanikidzwa kwevanhu kuita mabasa epabonde pamwe nemamwe mabasa avanenge vasingadi kuita.

VaPompeo vakataura pamusoro pemabasa akaitwa neAmerica mukurwisa maitiro akaipa aya sezviri mugwaro re 2020 TIP Report.

“Nyika makumi maviri nembiri dzakasimudzirwa gore rino, gumi nenhatu dziri nyika dzemu Sub-Saharan Africa.”

Gwaro reTIP Report rinoburitswawo pachena nyika dzinotsigira kumbunyikidzwa kwevanhu vachinoitiswa mabasa avasingadi idzo dziri pachinhambo yechitatu.

Nyika idzi dzinosanganisira China, uko bato re Chinese Communist Party pamwe nemakambani ehurumende izvo zvinomanikidza zvizvarwa zvenyika iyi kushanda munzvimbo dzakashata muhurongwa hwenyika iyi hweBelt and Road, uko verudzi vechi Uighurs nemamwe marudzi madiki echiMuslim vari kumanikidzwa kuita mabasa avasingadi kuita muXinjiang nedzimwe nzvimbo.

Mu Cuba, hupfumi hwehurumende yaVaCastro hunobva muhurongwa hwezvehutano. Pane vanhu vekuCuba vanodarika zviuru makumi mashanu vanoshanda munyaya dzehutano munyika makumi matanhatu pasi rose. Madhokotera mazhinji ekuCuba ari munyika idzi anoti ari kumanikidzwa kushanda muhurongwa uhu.

Nyika dzakawanda dzinotambira madhokotera aya kuti ashande munyika idzi, kunyange hazvo zviri pachena kuti vashandi vezvehutano ava vanenge vamanikidzwa kunoshanda kunyika idzi, vachibatirwa magwaro avo ekufambisa, kusajekeswa kwezvibvumirano zvavo zvekushanda kunze kwenyika, uye kubhadharwa kwehurumende yeCuba nenyika idzi, madhokotera aya asingabhadharwe.

“Tinotora zvakadzama nyaya dzekumbunyikidzwa kwevanhu nedzihurumende dzavo,” vakadaro VaPompeo. “Ibasa redzihurumende kuchengetedza kodzero dzezvizvarwa zvenyika, kwete kumbunyikidza kodzero idzi. America haife yakabatana nenyika dzinomanikidza zvizvarwa zvadzo kuita zvisingadiwe nezvizvarwa izvi.”

please wait

No media source currently available

0:00 0:03:38 0:00
Pekupinda Napo Kuti Muone Zvamuri Kuda


XS
SM
MD
LG