Accessibility links

Breaking News

Gavhuna weRBZ Oparura Hurongwa Hwemafambisirwo eMari Muna Ndira 2017


Dr John Mangudya

Gavhuna webhanga guru renyika Dr John Mangudya vari kutarisirwa kuparura hurongwa hwemafambisirwo emari kana kuti Monetary Policy mukupera kwaNdira gore rinouya.

Asi nyanzvi munyaya dzezvehupfumi dziri kuyambira kuti VaMangudya vanofanira kusunga dzisimbe nekuti hupfumi hwagwadama.

Hurumende inoti chapa kuti hupfumi huende kumawere inyaya yekuti nyika yakatemerwa zvirango nehurumende dzenyika dzakabudirira dzakaita seAmerica nenyika dziri musangano reEuropean Union.

Asi nyanzvi munyaya dzezvehupfumi vari chipangamazano chehurumende vachidzidzisa paUniversity of Zimbabwe vanoti VaMangudya vanofanira kuparurwa hurongwa hunokurudzira kufamba zvakanaka kwemaindustry kuti Zimbabwe ikwanise kugadzira zvinhu zvinotengeswa kunze.

Vati izvi ndizvo chete zvichapa kuti dambudziko rekushomeka kwemari ripere.

Vatiwo VaMangudya havana zvakawanda zvavangaite asi sechipangamazano chegurukota rezvehupfumi VaPatrick Chinamasa vanofanira kupa mazano anobatsira nyika.

Hurukuro naDr Gift Mugano
please wait

No media source currently available

0:00 0:03:01 0:00
Pekupinda Napo Kuti Muone Zvamuri Kuda

XS
SM
MD
LG