Vari kutungamira MDC Alliance musarudzo yemutungamiri wenyika, VaNelson Chamisa, vaita musangano wapindwa nezviuru nezviuru zvevanhu kuGutu East neGutu South kuMasvingo.
VaChamisa vakurudzira vanhu kuti vapedze hutongo hweZanu-PF nekuvavhotera musarudzo yemutungamiri wenyika iri kuitwa musi wa 30 Chikunguru.
VaNelson Chamisa-Gutu
Musangano uyu wapindwawo nevaongorori vesarudzo kubva kuEuropean Union.
VaChamisa vazivisa vatsigiri vavo kuti vanofanira kuvhota vakachenjera musarudzo dziriko mukupera kwemwedzi uno.
VaChamisa vambodzorawo ndangariro apo vataura nezvemanakiro ainge akaita nzvimbo yeGutu South makare kare.
VaNelson Chamisa-Gutu
Vaimbova gurukota rezvedunhu reMasvingo, VaKudakwashe Bhasikiti, avo vave nhengo yeMDC Alliance vataurawo pamusangano uyu vachikurudzira vanhu kuti vavhotere VaChamisa.
VaNelson Chamisa-Gutu
Murongi wemabasa muMDC-T, VaAmos Chibaya, vakurudzirawo vanhu kuti vavhotere mubatanidzwa weMDC Alliance.
Nemusi weChina, VaChamisa vari kuita misangani kuMashonaland West kuKaroi nekuHurungwe Central.
Your browser doesn’t support HTML5
Nyaya Ina Blessing Zulu