Bazi rehutano rinoti nyaya dzezvirwere zvepabonde dziri kuwanda munyika zvekuti dzingangodzorera shure basa rekuderedza huwandu hwevanhu vanobatwa neHIV/Aids munyika.
Vachitaura pamusangano wakaitwa kuNyanga we Zimbabwe Aids Network svondo rapera, mukuru wechirongwa che HIV/Aids and Tuberculosis mubazi rehutano, Dr Owen Mugurungi, vakati Zimbabwe ingangodzoserwa shure munyaya dzekurwisa HIV nekubatwa kuri kuitwa vanhu vazhinji nezvirwere zvepabonde zvakasiyana.
Dr Tapuwa Magure ndivo Executive Director we National Aids Council.Va Magure vanoti masangano e HIV/Aids ari kushushikana nekukwira kuri kuita nyaya dzezvirwere zvepabonde.