ZIBAWU Inoti Standard Bank Haina Chido cheKusimudzira Nyika

WASHINGTON D.C. — 

Sangano rinomirira vashandi vemumabhanga, re Zimbabwe Banks and Allied Workers Union, rinoti Standard Bank iri kuvhara mabhanga ayo mumaguta madiki akaita se Hwange, Chiredzi, Chinhoyi nemamwe, nekuti bhanga iri haridi kubatsira Zimbabwe kuti ibudirire.

Mashoko aya anotevera mashoko ebhanga iri ekuti riri kuvhara mabhanga aro mumaguta madiki nekuti zvinhu hazvina kumira zvakanaka munyaya dzehupfumi.

Munyori mukuru weZimbabwe Banks and Allied Workers Union, VaPeter Mutasa, vanoti vashandi vavo vakawanda vari kurasikirwa nemabasa nepamusoro pemaitiro ebhanga iri.

Studio7 haina kukwanisa kunzwa divi reStandard Bank.

Hurukuro NaVaPeter Mutasa