Sangano reZimbabwe Lawyers for Human Rights riri kushora zvikuru kusungwa kwakaitwa mamwe madzimai anosvika masere kuHwange Colliery avo vaive vavaka musasa pakambani iyi senzira yekuratidzira kusafara kwavo nekuti varume vavo vanoshanda pakambani iyi vainge vapedza makore vasina kupihwa mari yemihoro.
Kuratidzira uku kwakatanga musi wa27 Ndira. Kubva gore rapera vashandi vange vachingopihwa chikamu chete chemari yavo yemuhoro zvakapa kuti madzimai avo apindire.
Mutauriri weZLHR VaKumbirai Mafunda vanoti zvinoshamisa kuti madzimai aya ari kupomerwa mhosva yemhirizhonga asi vasina kumbobata kana dombo zvaro.
Madzimai aya akamiswa pamberi pedare Chishanu chapfuura uye vari kutarisrwa zvakare kudzoka kudare.
Your browser doesn’t support HTML5
Hurukuro naVaKumbirai Mafunda