Bato remdc razivisa kuti rave kuendesa mberi kumusi weChipiri musangano wanga wakarongwa kuitwa neMuvhuro pakati pemutungamiri webato iri VaNelson Chamisa nenhengo dzeparamende dzebato iri kuitira kupa mukana wekuti nhengo dzebato dzive pakuradzikwa kwemunin’ina wevaimbove mutungamiri webato iri, VaMorgan Tsvangirai, VaCasper Tsvangirai.
VaTsvangirai, avo vanga vave nemakore makumi matanhatu nerimwe ekuberekwa, vakashaya mukupera kwesvondo uye vari kutarisirwa kuradzikwa neMuvhuro kumusha kwavo kuBhuhera.
Mutauriri weMDC, VaJacob Mafume vanoti musangano uyu wanga wakanangana nekuti VaChamisa vazeye nenhengo dzeparamende idzi zvinotarisirwa kunge zvichizoitwa mudare reparamende pamwe nezvimwe zvakakosha.
Studio 7 haina kukwanisa kubata vemhuri yekwaTsvangirai kuitira kuti tinzwe zvizhinji nezvekushaya kwaVaCasper Tsvangirai.
Your browser doesn’t support HTML5
Hurukuro naVaJacob Mafume