Mutevedzeri wemutauriri weMDC-T Muzvare Thabitha Khumalo vanoti vari kushamisika nemashoko ari mubepanhau reSunday Mail rekuti mapurisa anoda kusunga vakafanobata chigaro chemutungamiri webato ravo VaNelson Chamisa.
Bepanhau iri rinoti pane vamwe vakuru veMDC-T vari kuda kuti VaChamisa vasungwe vachipomerwa mhosva yekukonzera mhirizhonga kuBuhera yakaona mumwe wemutevedzeri webato iri vachizvitiwo vari kutungamira, Muzvare Thokozani Khupe nemunyori mukuru webato iri VaDouglas Mwonzora vachida kurohwa nevamwe vechidiki vebato iri.
Hatina kukwanisa kunzwa kubva kumapurisa sezvo mutauriri wemapurisa Senior Assistant Commissioner Charity Charamba vange vasiri kudaira nharembozha yavo.
Muzvare Khumalo vatiwo havasati vanzwa kubva kumapurisa nezvekuda kubvunzurudza VaChamisa.
Your browser doesn’t support HTML5
Hurukuro naMuzvare Thabitha Khumalo