WASHINGTON —
Dare repamusoro reHigh Court nemusi weChipiri riri kutarisirwa kunzwa nyaya yakakwidzwa kudare iri neZimbabwe Lawayers for Human Rights neJustice for Children vachipikisa danho rakatorwa nebazi rezvedzidzo rekuti vana vose vakanyora bvunzo dze”O” Level Paper 2 vadzidzokorore musi wa 16 mwedzi uno.
Nyaya iyi iri kutarisirwa kutanga kunzwikwa na 2 masikati. Nyaya iyi yange ichifanira kuzeyiwa nemusi weMuvhuro asi yakazonzi inzwikwe nhasi kuitira kuti magweta eZIMSEC neebazi redzidzo vawane mukana wekuunza mapepa ekupikisa kudare.