Mutungamiri weBotswana VaIan Khama Seretse Khama vakakurudzira mutungamiri wenyika VaRobert Mugabe kuti vaende pamudyandigere nekuti kuramba vachitonga kuchapa kuti nyika iende kumawere.
Izvi ndizvo zvagarawo zvichitaurwa nevamwe vakaita seveTajamuka neOccupy Africa Unity Square nezvimwe zvizvarwa zveZimbabwe.
Asi nyaya yekuti nyika ingagadziriswe sei kana VaMugabe vakasiya basa yaunza kusawirirana munyika. Mapato ezvematongerwo enyika anopikisa anoti panoda kuvandudzwa mitemo kuti paitwe sarudzo dzakachena.
Mapato aya abatana pasi pemubatanidzwa unonzi National Electoral Reform Agenda kana kuti NERA. Asi vamwe vakaita senyanzvi munyaya dzezvematongerwo enyika Dr Ibbo Mandaza vanoti panoda kuitwa kanzuru inombobata matomu pachigadziriswa matambudziko akatarisana nenyika kana kuti National Transitional Authority.
Mutauriri weMDC-T VaObert Gutu vanoti zveNTA hazvishande uye zvinangwa zvacho zvakangonanawo nezveNERA.
Your browser doesn’t support HTML5
Hurukuro naVaIbbo Mandaza naVaObert Gutu