Boka re Zimbabwe Energy Regulatory Authority, ZERA, razivisa kuti mutengo wemafuta ekufambisa dzimotokari wakwira, peturu ichikwira kuenda pamadhora manomwe nemasendi makumi mana nemapfumbamwe parita rogaroga, kuchitiwo dhiziri richikidzwa kuenda pamadhora manomwe nemasendi gumi nemapfumbamwe parita.
Svondo rapera mafuta aya akakwidzwa zvakare peturu ichenda pamadhora matanhatu nemasendi gumi, ukuwo dhiziri richienda pamadhora mashanu ane masendi makumi masere nemana parita.
Mutauriri wesangano revemabhazi anotakura vanhu, reChitungwiza Commuter Omnibus Operators Association, VaFarai Muza vanoti iri danho raomesera nhengo dzavo zvakanyanya sezvo dzisiri kukwanisa kuwedzera mari dzinobhadharwa nevanhu vanokwira mabhazi avo nekuda kwekuti vanhu vavanotakura havana kuwedzerwawo mihoro yavo.
Your browser doesn’t support HTML5
Hurukuro naVaFarai Muza