WASHINGTON —
Mumiriri weNkulumane mudare reparamende VaThamsanqa Mahlangu avo vakashaya neMuvhuro vave kutarisira kuradzikwa muBulawayo neMugovera.
VaMahlangu mumwe wevakabatsira kuumba bato reMDC muna 1999.
Vatsigiri veMDC
VaMahlangu vakashaya nechirwere chegomarara. Pakushaya kwavo vange varizve mutevedzeri wemunyori anoona nezvekurongwa kwemabasa muMDC uye vakambovawo mutevedzeri wegurukota rinoona nezvevechidiki.
Mutauriri weMDC VaObert Gutu vanoti vacharadzikwa kumarinda eLady Stanley kuBulawayo. Iyi inzvimbo inoradzikwa magamba emuBulawayo.
Mutungamiri webato reMDC VaMorgan Tsvangirai nevamwe vatungamiri mubato ravo vari kutarisirwa kunoradzika VaMahlangu.
Your browser doesn’t support HTML5
Hurukuro naVaObert Gutu