Chikwata chevanhu vatanhatu vanobva kusangano reCrisis in Zimbabwe Coalition chiri kuNamibia neChipiri chakasangana nemutungamiri wenyika iyi uye vari sachigaro ve SADC Va Hage Geingob, kuti chikurudzire kuti sangano reSADC ripinde mukugadzirisa matambudziko ari muZimbabwe.
Sachigaro veCrisis in Zimbabwe Coalition, VaRashid Mahiya vanoti chikuru chavari kuda kuti chigadziriswe neSADC igakava rakakonzerwa nesarudzo dzakaitwa muna Chikunguru, idzo dzakakonzera mutauro bato reMDC Alliance richiramba zvakabuda musarudzo.
VaMahiya vanoti zvimwe zvakakurukura nasachigaro veSADC inyaya yavanoti yekupindira kwemauto mune zveupfumi, vachiti mauto anofanirwa kugara kumabharaki kwawo.
Vanoti vachaendererawo mberi nekukokera nhaurirano pakati pemapato ezvematongerwo enyika ari munyika uye kutaura nevatungamiri venyika dziri muSADC.
Your browser doesn’t support HTML5
Hurukuro naVaRashid Mahiya