Sangano rinomiririra varairidzi vekumaruwa, reAmalgamated Rural Teachers Union of Zimbabwe, ARTUZ, rinoti panegwaro ririkutumirwa kuvakuru vezvedzidzo nevezvikoro mumatunhu mazhinji rine mazita enhengo neevatungamiriri veARTUZ richikurudzira vakuru vezvikoro kuti vavhiringe varairidzi ava pabasa, chinangwa chiri chekuti vadzingwe mabasa.
Mutungamiriri wesangano iri, VaObert Masaraure, vaudza Studio 7 kuti gwaro iri ririkubva kuvasori vehurumende, vachiti bazi rezvedzidzo rinonyatsoziva nezvegwaro iri sezvo ririkuendeswa kuvakuru vezvikoro mumatunhu mazhinji.
Tatadza kubata gurukota rezvedzidzo, VaPaul Mavhima, sezvo nhare mbozha yavo yange isingadavirwi uye mibvunzo yatavatumira pamusoro penyaya iyi haina kupindurwa.
Your browser doesn’t support HTML5
Hurukuro naVaObert Masaraure