Your browser doesn’t support HTML5
Hurukuro naVaKenny Mubaiwa
Chikwata cheDyanamos chakunda Highlanders 2-1 mumakikwi eZimbabwe National Army Charity Shield, pamutambo watambirwa kunhandare yeNational Sports Stadium muHarare.
Vanwisa zvibonzwa zveDhemere ndi Tawanda Macheke na Kudzanayi Demhere. Anwisa chibonzwa cheHighlanders ndiAndrian Silla.
Kudzanayi Demhere we Dynamos ndiye a domwa semutambi atamba zvinonwisa mvura pamakwikwi anhasi uye awanikwa achipihwa mubairo.
Sachigaro veDynamos VaKenny Mubayiwa vanoti chikwata chavo chapihwa mari inoita $15 000, Highlanders ichiwanawo $10 000. VaMubaiwa vanoti chikwata chavo chiri kufara nekutora mukombe uyu uye vari kurongera vatsigiri vavo mitambo yepamusoro soro gore rino.
VaMubaiwa vanoti kunyangwe hazvo dambudziko remari range richimboita kuti huwandu hwevanhu vanoona bhora udzikire, parizvino zvave nani sezvo pave kushandiswa michina yechizvino zvino yakaita seEcocash neOne Wallet.