Mutungamiri werimwe sangano revarairidzi reZIMTA, VaRichard Gundani vanoti vanyorera tsamba kumutungamiri wenyika VaEmmerson Mnangagwa kuti vapindire panyaya yemihoro yavari kutambiriswa sezvo vachiti makurukota avo akundikana.
Kubva zvakavhurwa zvikoro mukupera kwaGunyana, varairidzi vange vachiramwa mabasa nenyaya iyi.
Hatina kukwanisa kubata gurukota rezvevashandi VaPaul Mavima kana gurukota redzidzo VaCain Mathema nemutauriri wemutungamiri wenyika VaGeorge Charamba sezvo vange vari mudare remakurukota.
Asi vachinyora padandemutande ravo reTwitter munyori mubazi rezvekuburitswa kwemashoko VaNick Mangwana vati hurumende ichatanga ikozvino kupa mhuri yemushandi wayo anenge afa mari inosvika madhora mazana mashanu ekuAmerica. Vashandi vanoti izvi hazvibatsire uye mari yacho ishoma.
Your browser doesn’t support HTML5
Hurukuro naVaRichard Gundani