Mumwe muzvinabhizimisi wemuHarare, VaArnold Mutsondi, vaendesa gurukota rezvemari, Muzvinafundo Muthuli Ncube, kumatare vachiti mutemo wavo wavakadzika wekuwedzera mutero hausi pamutemo uye hautarisirwe munyika ine hutongo hwejekerere.
VaNcube vakati vanhu vatange kubhadhara masendi maviri padhora roga roga pavanoshandisa makadhi avo ekubhengi kubva pamasendi mashanu pachero mari yavanenge vachitumira kana kushandisa.
VaMutsondi vanoti zviri pachena kuti hurumende iri kuda kuomesera vanhu vasina mhaka nekuti yakundikana kugadzirisa dambudziko remari.
Gweta raVaMutsondi, VaAlex Majachani, vanoti zviri kuitwa naVaNcube kutyora bumbiro remutemo wenyika. Hatina kukwanisa kubata VaNcube kuti tinzwe divi ravo panyaya iyi.
Your browser doesn’t support HTML5
Hurukuro naVaAlex Majachani