WASHINGTON —
Mumwe mutevedzeri wemutungamiri weMDC VaMorgan Komichi vakabatwa vaine mhosva panyaya yavange vachipomerwa kudare ramejastiriti muHarare.
VaKomichi vakasungwa musi wa17 Nyamavhuvhu vachipomerwa mhosva yekutyora mutemo wesarudzo kana kuti Electoral Act mushure mekukwira patafura vachipikisa zvainge zvabuda musarudzo dzegore rapera pazvaiziviswa neZimbabwe Electoral Commission.
Gweta ravo VaObey Shava vanoti VaKomichi vanzi vabhadhare mari inosvika mazana maviri kana kupedza mwedzi miviri vari mujeri, asi VaShava vanoti vakabhadhara mari yekuti VaKomichi vabude muhusungwa asi vari kukwira kudare repamusoro vachipikisa mutongo uyu.