Mumwe mudzimai wekuBulawayo ane makore makumi matanhatu nematatu ekuberekwa aendesa kumatare gurukota rezvemukati menyika VaKazembe Kazembe nemukuru wemapurisa, VaGodwin Matanga, mushure mekunge arohwa zvakaipisisa nemumwe mupurisa panguva yekumbonzi vanhu vagare mudzimba kana kuti lockdown gore rapera.
Mudzimai uyu Amai Lydia Chapalapata vanoti vakarohwa vachitenga hupfu uyevanoda mari inosvika mamiriyoni matatu emadhora emunyika.
Hatina kukwanisa kubata VaKazembe kana mutauriri wemapurisa, VaPaul Nyathi, sezvo vange vasiri kudaira nharembozha dzavo.
Mutauriri wesangano rinorwira kodzero dzevanhu reZimbabwe Lawyers for Human Rights, VaKumbirai Mafunda, vaudza Studio7 kuti nyaya dzekutyorwa kwekodzero dzevanhu nemapurisa dziri kuramba dziwedzera mumatunhu ose enyika.
Your browser doesn’t support HTML5
Hurukuro naVaKumbirai Mafunda