Mutungamiri webato rinopikisa reZAPU VaDumiso Dabengwa avo vange vave nemakore makumi manomwe nemapfumbamwe vashaya kuNairobi, Kenya vachibva kunorapwa kunyika yeIndia.
Munguva yehondo yeChimurenga VaDabengwa vaizivikanwa nezita remadunhirirwa rekuti “Black Russian” uye ndivo vaitungamira divi rekusora muZAPU mushure mekunge vadzidziswa zvechiuto kuRussia.
Munguva yeGukurahundi kuma 1980, VaDabengwa nevamwe vakuru vebato reZAPU General Lookout Masuku, vakasungwa vachipomerwa mhosva yekuda kupidigura hurumende yevaive mutungamiri wenyika VaRobert Mugabe asi vakazosunungurwa.
VaDabengwa vakamboitawo gurukota rezvemukati menyika mushure mekubatana kweZanu-PF neZapu muna 1987 asi vakazobudazve mumubatanidzwa uyu vachidzokera kuZapu…Tichakupai zvizere muzvirongwa zvedu zveStudio 7 nhasi.