Mumwe wevechidiki vanga vari muchirongwa cheMandela Washington Fellowship vakapihwa mari dzekusimudzira mabhizimusi avo, VaAndrew Chikomba, vanoti vari kufara zvikuru nerubatsiro urwu.
VaChikomba ndemumwe wevechidiki vatatu veku Zimbabwe vakapihwa mari mumwe nemumwe inosvika zviuru makumi maviri nezvishanu zvemadhora nebazi re United States African Development Foundation.
Vamwe vakawana rubatsiro uru ndiVa Farai Chizengeni naVa Kudakwashe Makuzwa.
VaChikomba ndivo muridzi wekambani ye Gemwitts Enterprises, iyo inoita zvemagetsi e solar.
VaChikomba vanoti vakatanga kambani iyi muna 2012.
Your browser doesn’t support HTML5
Hurukuro naVa Andrew Chikomba
Mutevedzeri wemunyori anoona nezvekudyidzana kweAmerica neAfrica, Amai Linda Thomas-Greenfield, ndivo vakavhara hurongwa hweMandela Washington Fellowship neChitatu vachishuvira vechidiki ava rombo rakanaka mumabasa avo kana vadzokera kunyika dzavo.
Your browser doesn’t support HTML5
Mashoko aAmai Linda Thomas-Greenfield