Muimbi ane mukurumbira zvikuru Thomas Mukanya Mapfumo ari muGweru manheru emusi weChishanu achiparura mabira erunyararo paGolf Course nenguva dza 8 manheru.
Mapfumo anoti munyika hamuchina kumira zvakanaka nenyaya yekusawirirana pakati pemapato ezvematongerwo enyika.
Muimbi uyu akasvika muZimbabwe nemusi weChitatu achibva ku Eugene, Oregon muAmerica. Mabira aya ari kuitwa pasi pekukurudzira runyararo kana kuti Peace Tour.
Mapfumo ari kutarisirwawo kueda kunoridza kuBulawayo, Beitbridge, Masvingo, Mutare, Kadoma, Kariba ne Victoria Falls.
Mushure mekupedza makore ari muhupoteri muAmerica, Mapfumo akambodzoka muHarare muna Kubvumbi gore rapera akaridza kuCity Sports Centre umo makapinda zviuru nezviuru zvevanhu.
Your browser doesn’t support HTML5
Hurukuro naThomas Mapfumo