Musangano wecongress weMDC uri kuenderera mberi kuAscot Stadium kuGweru nhasi vakawanda vakatarisira zvichabuda musarudzo dzehutungamiri zvikuru pavatevedzeri vemutungamiri webato VaNelson Chamisa uye achaita munyori mukuru webato, mubati wehomwe uye sachigaro webato.
Pane vari kukwikwidza kuva vatevedzeri vaVaChamisa kumadzimai kuna Amai Tracy Mutimhiri, Amai Lynette Karenyi-Kore uye Amai Lilian Timveos.
Kuvarume pane makwikwi akasimba pakati paVaMorgan Komichi, VaWelshman Ncube naVaTendai Biti.
Asi nhengo yeMDC inomirira Binga North mudare reparamende VaPrince Dubeko Sibanda vaudza Studio 7 kuti sarudzo dzanonoka kutanga sezvo kwauya vanhu vakawandisa pane vange vakatarisirwa.
Your browser doesn’t support HTML5
Hurukuro naVaPrince Dubeko Sibanda