Bato reMDC inotungamirirwa naVaMorgan Tsvangairai rinoti ratotanga gadziriro dzekupemberera kusvitsa makore gumi nemashanu bato iri raumbwa.
Munyori anoona nezvekurongwa kwemisangano, VaNelson Chamisa, vanoti mhemberero dzegore rino, idzo dzichaitwa musi wa 13 Gunyana munhandare yeMucheke kuMasvingo, dzinenge dziri dzemhando yepamusoro, sezvo bato ravo ratarisana nekongiresi yakakosha muna Gumiguru.
VaChamisa vanoti pakatoumbwa makomiti achange achifambisa mabasa akasiyana-siyana, kusanganisira kuronga mafambiro achaita nhengo dzebato dzakananga Masvingo.
Bato reMDC rakaumbwa musi wa 11 Gunyana 1999 richitsigirwa zvikuru nevashandi pamwe nevadzidzi.
Mhemberero dzegore rino dziri kuuya panguva iyo bato iri rakatarisana nekupatsanuka zvichitevera kubuda kwakaita vaive munyori mukuru, VaTendai Biti nevamwe vavo, vachiumba chikwata chinozviti MDC Renewal Team.
Your browser doesn’t support HTML5
Hurukuro naVaNelson Chamisa