Mutungamiri wenyika, VaEmmerson Mnangagwa, vakabatana nevamwe vatungamiri venyika dzemuSADC pamusangano wepagore wegungano iri kuWindhoek, Namibia nemusi weChishanu.
Musangano uyu uri kutarisirwa kupera nemusi weMugovera.
Vachitaura pamusangano uyu, VaMnangagwa vakatenda vaongorori vesarudzo veAfrican Union neSADC nekuongorora sarudzo dzemuZimbabwe.
Vakatiwo chido chavo ndechekuti Zimbabwe ifambire mberi mushure mesarudzo. Sarudzo idzi hadzisi kutambirwa nevanopikisa avo vakatoenda kumatare.
Panopera musangano uyu, mutungamiri weNamibia, VaHage Geingob, ndivo vanenge vave sachigaro weSADC chigaro chiri kusiiwa naVaCyril Ramaphosa vekuSouth Africa.
Gweta rinorwira kodzero dzevanhu, uye vari mukuru weHuman Rights Watch kuchamhembe kweAfrica, VaDewa Mavhinga, vanoti havaone SADC ichikwanise kugadzirisa matambudziko emuZimbabwe.
Your browser doesn’t support HTML5
Hurukuro naVaDewa Mavhinga