Vatsigiri vakawanda veMDC inotungamirwa naVaNelson Chamisa mudunhu reMarondera vanonzi havana kukwanisa kuenda kuRufaro stadium kumhemberero dzekusvitsa makore makumi maviri kubva pakaumbwa bato iri muna 1999, sezvo vari kuchema kushaya kwemudzimai wameya weMarondera, VaChengetai Murova.
Amai Murova vakashaya nemusi weChishanu mangwanani.
Mutauriri weMDC mudunhu reMarondera Central, VaFarai Nyandoro, avo vaimbove meya weMarondera, vanoti bato ravo rarasikirwa zvikuru neamai vaive nerudo nevana vavo.
VaNyandoro vanoti vatsigiri vebato ravo vari kurwadzikana zvikuru nekushaya kwaAmai Murova, avo vatsanangudza semunhu aifarirwa nemunhu wese, zvikuru vagari vemuDombotombo.
Amai Murova vari kutarisirwa kuradzikwa kumusha kwemurume wavo kuMadziva mudunhu reMashonaland Central.
Your browser doesn’t support HTML5
Hurukuro naVaFarai Nyandoro