Mutungamiri wemadzishe munyika, Ishe Fortune Charumbira, vanoti vari kufara zvikuru nedanho rehurumende rekutengera madzishe zvikakarara zvemotikari mazana maviri nemakumi maviri nenhanhatu.
Ishe Charumbira vanoti hurumende yaita izvi senzira yekuremekedza zviri mubumbiro remitemo yenyika.
Vatiwo vanhu havangafari kuona madzishe avo achifamba netsoka nokudaro hurumende iri kuedza kuremekedza madzishe sezvinofanira kuitwa.
VaCharumbira vatiwo madzishe haasi kupihwa mota idzi pachena sezvo vachazodzibhadara.
Asi vanoongorora zvematongerwo enyika, Va Enerst Muzengi, vanoti zviri kuitwa nehurumende zvinoratidza kuti iri kuda kuti iwane rutsigiro rwemadzishe musarudzo dzegore rinouya.
Vapamidzazve vachiti hurumende yange isingafaniri kushandisa mari yakawanda kudai panguva ino vanhu munyika vari kunetseka.
Your browser doesn’t support HTML5
Hurukuro na Ishe Fortune Charumbira