Gurukota rinoona nezvemutemo VaZiyambi Ziyambi vanoti mutemo uri kuda kudzikwa nehurumende kudzivirira kufambiswa kwemari zvechikiribidi kana kuti Money Laundering wakanangana nekuzadzikisa zvisungo zvemitemo yepasi rino inodzivirira mabasa evanopfurikidza mwero.
VaZiyambi vanoti vatotanga kunyora bhiri remutemo uyu sezvo mutemo uri kushandiswa parizvino wakadzikwa muna Mbudzi gore rapera uchishanda kwemwedzi mitanhatu chete nekuti ndewechimbi chimbi unoitwa nemutungamiri wenyika dare reparamende risati razeya.
Mutemo uyu unonzi Presidential Powers (Temporary Measures) (Amendment of the Money Laundering and Proceeds of Crime Act and Exchange Control Act) Regulations.
Asi nyanzvi munyaya dzezvemitemo dzinotiwo hurumende inenge iri kudawo kushandisa mutemo uyu kusunga vari kuchinja mari pamukoto zvikuru dhora rekuAmerica nemaRTGS.
VaZiyambi vanoti kuvhunduka chati kwatara hunge uine katuruke vakayambira vanotengesa mari pamukoto kuti vachakandwa mutirongo.
Your browser doesn’t support HTML5
Hurukuro naVaZiyambi Ziyambi