Sangano remagweta anorwira kodzero dzevanhu, reZimbabwe Lawyers for Human Rights, rinoti riri kushushikana zvikuru nedanho remapurisa muHarare rekushungurudza vana vechikoro vanomwe vepachikoro cheAllan Wilson, vachivati vaive nechekuita nemhirizhonga yakaitika muHarare musi wa 7 mwedzi uno.
Vakomana vashanu pavanomwe ava vanonzi neChina vakapawo mapurisa divi ravo panyaya iyi pamberi pemagweta avo pamwe nevabereki vavo.
Studio 7 yakundikana kubata mutauriri wemapurisa mudunhu reHarare.
Asi mutauriri weZimbabwe Lawyers for Human Rights, VaKumbirai Mafunda vanoti mapurisa azochinja achiti ave kuda kushandisa vakomana ava sezvapupu mushure mekunge amboti ari kuda kuvapomera mhosva yekuita zvemhirizhonga.
Your browser doesn’t support HTML5
Hurukuro naVaKumbirai Mafunda