Vari kukwikwidza musarudzo kuMagunje vakazvimirira mushure mekudzingwa muZanu-PF, Doctor Godfrey Gandawa, vanoti vambohwanda mushure mekunge vanofungidzirwa kuti mapurisa aenda kumba kwavo runyanhiriri nemusi weChina vachida kuvasunga kana kuvaita kafiramberi.
VaGandawa, avo vaimbova mutevedzeri wegurukota rezvedzidzo, vakaudza neStudio7 mazuva mashoma apfuura kuti havasi kuzovhotera mutungamiri wenyika uye vachitungamira Zanu-PF, VaEmmerson Mnangagwa.
Asi VaGandawa vane nyaya yavari kupomerwa yekuti havana kufambisa mari yeZimbabwe Manpower Development Fund zvakanaka apo vainge vari muhurumende mubazi raiva pasi paVaJonathan Moyo.
VaGandawa vanoti hama dzavo dzaoneswa ndondo nevanhu vange vaine pfuti vachivatsvaga kuMagunje.
Mutauriri wemapurisa, Senior Assistant Commissioner Charity Charamba, vati vange vari mumusangano nekudaro hatina kukwanisa kunzwa divi ravo.
Your browser doesn’t support HTML5
Hurukuro naDoctor Godfrey Gandawa