Vatambi vechikwata chenhabvu cheMonomotapa vatatu vanoti Mtulisi Maphosa, Daniel Zokoto, naChris Samakweri, vanyorerana chibvumirano nechikwata che T-P Mazembe cheku Democratic Republic of Congo, DRC, izvo zvichaita kuti vakwanise kutambavakamirira TP Mazembe mumutambo weFIFA Club World Cup tournament uchange uri kuAbu Dhabi svondo rinouya.
Monomotapa inoti iri kufadzwa nechiitiko ichi, uyezve tsamba dzekuti vatambi ava vachitanga kutambira TP Mazembe, dzatovepo.
Munyori mukuru muchikwata cheMonomotapa, VaDavid Makombe, vanoti kutengesa kwavaita vatambi vavo, kwatambirwa neZifa, iyo yatonyora magwaro zviri pamutemo kuti vatatu ava vakwanise kutambira chikwata cheku DRC.