Zimbabwe Warriors yakunda chikwata cheBotswan 1-0 mumatambo we quarter final yemakwikwi e2009 Cosafa Senior Challenge.
Mutambo uyu watambirwa kunhandare yeBarbourfields neMuvhuro masikati. Mune mumwe mutambo, South Africa yakunda Angola 2–0, pamutambo watambirwa munhandare imwe cheteyo yeBarbourfields.
Zimbabwe Warriors yava kutamba neSouth Africa mu semi final kuBarbourfields neChina.
Mozambique neZambia dzichatambawo mune mumwe mutambo we semi final kuRufaro Stadium.
Marvellous Mhlanga Nyahuye weStudi7 aita hurukuro nemumwe mutsigiri wemaWarriors, Bright Mushonga, kuti tinzwe zvizere nezvemafambiro aita mutambo weZimbabwe neBotswana.