Vakuru vakareva apo vakati matakadya kare haanyaradzi mwana. Mhuri yeZimbabwe iri kufa nenzara hurumende yeZanu PF ichingoti vanhu shingai inga makambodya wani uchi nemukaka patakasunungura nyika.
Asika vazhinji vevari kufa nenzara nezvirwere nhasi, havana kana
kumbonombora uchi huri kugarotaurwa neZanu PF uhu. Tarisiro yekuumbwa
kwehurumende yemubatanidzwa, iyo inoonekwa nevamwe semupedzanhamo, yava kure
kure sezvo mapato ezvematongerwo enyika ari kutadza kunyatsowirirana, kunyange hazvo mapato aya akabvumirana neChina kuti achavandudza bumbiro remitemo yenyika, kana kuti Constitutional Amendment Bill Number 19.
Zimbabwe
yakasvibisa chimiro chayo, apo yakarambidza kupinda munyika chikwata
chevanyarikani vanoremekedzwa, che“The elders”, icho chinosanganisira
vaimbowe munyori mukuru weUnited Nations, VaKofi Annan, vaimbove mutungamiri
weAmerica, VaJimmy Carter, pamwe nemudzimai wevaimbove mutungamiri weSouth
Africa, VaNelson Mandela, Amai Graca Machel.
Chikwata ichi chakanga chichida
kupinda munyika kuti chiongorore matambudziko akatarisana nevana veZimbabwe,
asi hurumende yaVaMugabe, ikachirambidza kupinda munyika. Chiitiko ichi
chakasvibisa mwoyo yevakawanda zvekusvika pakubvunza kuti hurumende iyi ine
chido here nevanhu vayo.
Mukuzeya
nyaya yematambudziko akatarisana nenyika, Jonga Kandemiiri weStudio7, aita
hurukuro naPastor Raymond Motsi veChristian Alliance, vachishanda zvakare
neZimbabwe National Pastors Conference, pamwe naVaGlen Mpani, avo vanoongorora
zvematongerwo enyika kuti tinzwe maonero avo