Sachigaro veAfrican Union Commission, VaJean Ping, vapinda muHarare neMugovera vakaita hurukuro nezvikwata zviri zveMDC. Mutauriri wechimwe chikwata, VaNelson Chamisa, vanoti ichokwati kuti mutungamiri wavo, VaMorgan Tsvangirai, vaita hurukuro naVaPing, asi havana kuda kutaura zvakawanda maererano nemusangano uyu.
Ukuwo mutevedzeri wemutauriri wechikwata cheMDC inotungamirwa naVaArthur Mutambara, VaRenson Gasela, vanoti ichokwadi kuti vasangana naVaPing vakakurukura zvakakoshera hurukuro. Studio7 haina kukwanisa kutaura neveZanu PF kuti tinzwe kana vasanganawo naVaPing, kunyange hazvo vane ruzivo vari kuti VaPing vaitawo musangano neZanu PF.
Praxedes Jeremiah weStudio7 aita hurukuro naVaGasela kuti tinzwe mafambiro aita musangano wavo naVaPinga.