Mubati wehomwe yeMDC inotungamirwa naVaMorgan Tsvangirai, VaRoy Bennett, vanoti vachapinda musarudzo dzegore rinouya vachikwikwidza mu Chimanimani Constituency kuManicaland, ndokana hurukuro pakati pebato ravo neZANU-PF dzabudirira.
VaBennett vanoti vakakumbirwa nevanhu vekuChimanimani kuti vavamirire musarudzo dzegore rinouya.
Pari zvino VaBennett vari muhupoteri kuSouth Africa.
Patience Rusere weStudio Seven aita hurukuro naVaBennett pamusoro penyaya iyi.