Gavhuna weReserve Bank of Zimbabwe Doctor John Mushayavanhu vanoti mari itsva yeZimbabwe Gold kana kuti ZiG yapera kudhindwa uye yangomirira kuparurwa zviri pamutemo nemusi weChipiri svondo rinouya.
Parizvino, mari iyi iri kutenderera pamadandemitande cheye kana kuti "electronic transfer."
Mari iyi inonzi yakadhindirwa munyika. VaMushayavanhu vazivisa izvi muhurukuro yavo nebepanhau reSunday Mail nhasi.
Asi mari iyi yatotanga kukonzera gakava guru munyika vamwe vachiti kungopedzera hoko padehwe retsindi sezvo ichangoshaya simba sedzimwe mari shanu dzakabhodhindwa nenyika zvikakona n’anga murapa achida.
Asi Doctor Mushayavanhu vanoti vane chivimbo chekuti mari iyi inoshanda vachivimbisa kuti havasi kuzodhinda yakawandisa sezvaiitwa nebhanga iri kare.
Your browser doesn’t support HTML5
Hurukuro naVaPersistence Gwanyanya
Asi nyanzvi munyaya dzezvehupfumi vachishanda neDurban University of Technology Muzvinafundo Gift Mugano vanoti mari itsva iyi yatotanga kushaya simba isati yanyotsoparurwa uye vanoti havana chivimbo chekuti pane musiyano nezvaiitwa kare.
Your browser doesn’t support HTML5
Hurukuro naMuzvinafundo Gift Mugano