Gurukota rinoona nezvekudyidzana nedzimwe nyika muAmerica, VaAntony Blinken, vakorokotedzawo Zimbabwe nekusvitsa makore makumi mana nemana yawana kuzvitonga kuzere nhasi.
VaBlinken vati nyika yavo yakazvipira kudyidzana neZimbabwe asi vachikurudzira hutongo hwejekerere nekuremekedzwa nekonzero dzevanhu.
America yakatemera mutungamiri wenyika VaEmmerson Mnangagwa nevamwe gumi zvirango ichivapomera mhosva yekuita zvehuori nekutonga nedemo.
Asi hurumende iri kuramba izvi ichiti zvirango zvakatemerwa nyika mushure mekutora minda kubva kuvachena ichipa vatema.
Sachigaro webato reZanu-PF mudunhu reBritain VaXavier Zavare vaudza Studio 7 kuti America haifanire kuudza Zimbabwe zvekuita.
Your browser doesn’t support HTML5
Hurukuro NaVa Xavier Zavare
Asi nyanzvi munyaya dzezvematongerwo enyika, vachidzidzisa paTswane University of Technology, Muzvinafundo vaudzawo Studio 7 kuti zvakakosha kuti Zimbabwe itererewo zvairi kukurudzirwa kuita zvekuremekedze kodzero dzevanhu vayo.
Your browser doesn’t support HTML5
Hurukuro Na Muzvinafundo Ricky Mukonza
Zvichakadaro, mubatanidzwa wemasango akazvimirira oga weCrisis In Zimbabwe Coalition waburitsawo mashoko ekukorokotedza nyika pazuva rekuwana kuzvitonga kuzere asi richisimbisa nyaya yekuti hurumende iremekedze kodzero dzevanhu nekurwisa huori hwapa kuti nyika inange kumawere.