Mutori wenhau ane mukurumbira, Hopewell Chin’ono, nezuro akpiwa mubairo mukuru weInternational Anti-Corruption Excellence Award, wekurwisa huwori, uyo wakatambidzwa naMambo weQatar, Sheikh Tamim bin Hamad Al Thani pamwechete neUnited Nations.
Mubairo uyu, uyo waapiirwa kuDoha, kuQatar , ndewekucherechedza mabasa aari kuita ekufumura huwori hunonzi huri kuitika mumapazi ehurumende muZimbabwe.
Chin’ono anoti atambidzwa mubairo uyu nebasa raari kuita rekufumura kubiwa kunonzi kuri kuitwa mari yenyika, izvo zvipatara zvisina mishonga uye apiwa mubairo uyu pamberi pemumiriri weUnited Nations anokosha munyaya dzekurwisana nehuwori, kana kuti United Nations Special Advocate for the Prevention of Corruption.
Vamwe vaige vari pamabiko aya vanosanganisira mutungamiri weRwanda, VaPaul Kagame.
Chin'ono anoti mubairo uyu wakakosha kwazvo, kwete kwaari iye chete, asi kuZimbabwe yaati iri kutambura kuti ienderer mberi nekuda kwehuwori hwaanoti hwatekeshera.
Chin' ono akambosungwa kakawanda achipomerwa mhosva dzakasiyanasiyana akazombogara kujeri reChikurubi Maximum Prison kwemazuva anodarika makumi masere, zviitiko zvinonzi nevanorwira kodzero dzevanhu kushungurudza mutori wenhau uyu.
Your browser doesn’t support HTML5
Hurukuro naHopewell Chin'ono