Mavhoti esarudzo dzakaitwa neChipiri mumatunhu mazhinji muAmerica achiri kuverengwa.
America yakaita sarudzo dzedare reHouse of Representatives nedzimwe dzedare reSenate mapato maviri anoti reDemocratic Party nerinopikisa, reRepublican Party, achirwira kuwana mukana wekutonga mumatare.
Mamiriro akaita zvunhu parizvino anoratidza kuti bato rinopikisa, reRepublican Party, rine nhengo zhinji muparamende asi vasina kuwanda zvokuti vaite madiro mukufambisa nyaya dzeparamende.
Mudare reSenate, mapato maviri awa ari pamangange asi pachine matunhu mazhinji asati apedza kuverenga mavhoti evakakwikwidza kuva nhengo dze Senate.
Muzvinafundo Elliot Masocha vanoti sarudzo dzakaitwa zvakanaka uye havana zvimhingamupinyi zvavanotarisira mukuverengwa kwemavhoti kuri kuitwa.
Asi vati zvakabuda mune dzimwe sarudzo zvinogona kutora mazuva kana masvondo akawanda kuti zvizikanwe.
Your browser doesn’t support HTML5
Hurukuro naMuzvinafundo Elliot Masocha.mp3